AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Duet ortağı Xatirənin adından insanları aldadıb pul alıb - Video


Tarix 05.02.25, 23:56	Font ölçüsü : - / +

Müğənni Xatirə İslam duet ortağı Nicat Məhərrəmlinin onun adından istifadə etdiyini açıqlayıb.

Axşam.az xəbər verir ki, o, bu barədə sosial şəbəkədə paylaşım edib. Xatirə bildirib ki, Nicat dəfələrlə onun adından istifadə edərək insanlardan beh alıb:

"Əslində bu açıqlamanı çoxdan etməli idim, amma bu günə təsadüf etdi. Bunları demədiyimə görə, nə qədər ziyanlar çəkmişəm. Bu açıqlamanı məni tanıyanlara, dostlarıma, xalqıma etməliyəm ki, bilsinlər nə var, nə yox.

Müğənni Nicat Məhərrəmli haqda danışmaq istəyirəm. Gəncdir, cavandır, uşaqdır, Allah ağıl versin, köməyi olsun. Ailələrinə də yaxın olmuşuq. Rəhmətlik anası vasitəsi ilə dost olmuşuq. Anası da çox gözəl insan idi. Nicat mənim adımdam dəfələrlə insanlardan beh alıb. Toylarda, şənliklərdə, açılışlarda problemlər yaşayır. Mənə sənət yoldaşlarım, dostlarım, aparıcılar da Nicatın borc istəməsi ilə bağlı zəng edib. Adlarını da çəkə bilərəm, sadəcə istəmirəm ki, vaxt getsin. Bununla bağlı Yaqut xanım çox böyük stresslər keçirib. Vaxt olub ki, qızıllarını satıb və Nicatın bu problemlərini həll edib. Anadır, utanıb, narahat olub. Valideyn üçün də çox ağırdır. Mən əlimdən gələn hər şeyi etmişəm. Hətta anası rəhmətə gedəndə Nicat dedi ki, pis vərdişlərimə tövbə etmişəm.

Bir mahnı aldım verdim, bütün xərcləri də öz boynuma götürdüm. Hətta dedim ki, klip də çəkdirəcəyəm və xərclərini özüm ödəyəcəyəm. Sənin də bütün müğənnilər kimi əlin çörəyə çatsın. Tanınmış ol, səsin var, sənətin var. Adam mənə tövbə etmişəm deyir, amma bu gün də adımdan beh alır. Mən söz götürən adam deyiləm. Bu həyatda heç kimə cavabdehlik daşımıram, həyat yoldaşım və övladımdan başqa. Bu gün beh alıb və həmin gün getmədiyimə görə, demək ki, "Xatirə xanımın övladının vəziyyəti ağırdır", Nicat bu sözləri demək olmaz. De ki, "Xatirə xanımın vəziyyəti ağırdır". Bilirsən ki, mən sənə nələr keçmişəm. Sənin yanında olmuşam, ananın əməliyyatında, dərmanlarında, pis günündə, nə demisinizsə, yanınızda olmuşam. Anan rəhmətə gedən günlərdə atanın da vəziyyəti yaxşı deyildi. Atanın bütün tapılmayan dərmanlarını, hər şeyini öz boynuma götürdüm ki, biri dünyasını dəyişirsə, biri qalsın. Əlimdən gələni etdim, halal xoşun olsun. Bir övlad kimi heç nədən xəbərin olmadı. Nə yasdan, nə müalicədən. Ananın müalicəsi üçün borc istəyirsən, bəs mən nə etmişəm? Mənim adıma heç kim ləkə gətirə bilməz. Çörək kəsmişik, illərlə danışmamışam. Ətrafımda görsənməlisən, güvəni qazanmalısan və sonra yığıb hamıdan pul istəməlisən? Belə olmaz! Qardaşım cavan uşaqdır, ona görə bir dəfə mənə söz gəlməyib. Sən nəyimsən? Qardaşımsan? Canın canımdan, qanın qanımdan deyil. Mənim də necə dost olduğumu bütün ailən bilir. Evimin xadiməsinə kimi gətirib sizin evinizə qoymuşam ki, ananın qulluğunda dayansın. Əlimdən gələn qədər sənə analıq etmişəm. Əvəzində mənə bu gün də belə bir şey etdinsə, istəyirəm ki, xalq qarşısında səninlə dostluğu bitirim. Və səndən tələb edirəm ki, bundan sonra mənim adımı heç yerdə çəkmə. Allahdan sənə ağıl arzu edirəm".

Xəbərin oxunma sayı : 1738