AzFakt

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

“Azərbaycanofoblar Ermənistanı yeni müharibəyə təhrik edirlər“ - Prezident xalqa müraciət ünvanladı

Paşinyan yenə imtina etdi... - Bakı və İrəvan arasında sülh danışıqları dalana dirənib

“Ermənistan təhlükəli oyunlara qoşulub“ - Prezidentdən sərt xəbərdarlıq

2070-ci ilə qədər Afrikanın əhalisi 2 dəfə artacaq - Demoqrafik proqnozlar


Tarix 14.12.24, 16:34	Font ölçüsü : - / +

Birləşmiş Millətlər Təşkilatının (BMT) proqnozlarına görə, Afrika qitəsinin əhalisi 2070-ci ilə qədər iki dəfə artaraq 3,2 milyarda çatacaq.

Yeniavaz.com xəbər verir ki, Təşkilatın dünyadakı demoqrafik vəziyyətə dair yaydığı sonuncu hesabatda göstərilir ki, Avropa və Asiya qitələrində isə əhalinin artım tempi sürətlə aşağı düşür.

“Avropanın əhalisi artıq azalmağa başlayıb. Bu tendensiyanın davam edəcəyi gözlənilir. Asiya və Latın Amerikasında isə əhalinin 2050-ci illərdən başlayaraq azalmağa başlayacağı proqnozlaşıdırılır. Şimali Amerikada artım olacaq, lakin bu Afrikadakı kimi sürətli baş verməyəcək”, - hesabatda deyilir.

Qeyd olunur ki, Afrikanın gənc əhalisi iqtisadi inkişaf üçün böyük potensial yaradır. Lakin bu sürətli artım qitədə təhsil, səhiyyə və infrastruktur sahələrində ciddi problemlər yarada bilər.

“Digər tərəfdən, Avropa və Asiyada əhalinin azalması iqtisadi artıma təsir edə bilər. Lakin bu hal həm də ekoloji davamlılıq və resurslardan daha səmərəli istifadə baxımından yeni imkanlar yarada bilər”, - sənəddə qeyd olunur.

Bildirilir ki, bu demoqrafik dəyişikliklər qlobal iqtisadiyyata, miqrasiya hərəkətlərinə və resursların idarə olunmasına ciddi təsir göstərəcək, regionlar arasındakı balansın daha da pozulmasına gətirib çıxaracaq və dünya nizamını dəyişdirəcək.

Dünya əhalisinin sayı ilk dəfə 1805-ci ildə 1 milyarda çatıb. İkinci milyard üçün 120 (1925), üçüncü milyard üçün isə cəmi 35 (1960) il lazım olub. 1974-cü ildə isə artıq dünyanın əhalisi 4 milyarda çatmışdı. Ən sürətli artım dövrü 1974-2011-ci illər arasında olub. Bu dövrdə 5-ci, 6-cı və 7-ci milyardlıq artımlar üçün 12-13 il bəs edib.

Bununla belə, pik hədd keçilib. İndi hər milyard üçün vaxtın artması gözlənilir. 2037-ci ildə dünya əhalisinin doqquz milyarda çatması üçün 14 il, 2058-ci ildə isə 10 milyarda çatması üçün 21 il lazım gələcək. BMT-nin son proqnozları bu əsrdə dünya əhalisinin 11 milyarda çatmayacağını proqnozlaşdırır.

Əhalinin 2086-cı ildə 10,4 milyarda çatacağı və sonra azalmağa başlayacağı ehtimal edilir.

Xəbərin oxunma sayı : 259